منتدى شباب وبنات ليبيانا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شباب وبنات ليبيانا

نسعى لتقديم الجديد والجديد
 
الرئيسيةالبوابةأحدث الصورالتسجيلدخول

 

 مجمـوعـة من النكــت الليبية

اذهب الى الأسفل 
2 مشترك
كاتب الموضوعرسالة
سيد الاحلام
المدير العام
سيد الاحلام


ذكر
عدد الرسائل : 363
العمر : 34
البلد : بنغازي
العمل : طالب
مزاجك : very cood
تاريخ التسجيل : 23/08/2007

بطاقة الشخصية
نقاط التميز: 30
وسام التميز:
مجمـوعـة من النكــت الليبية Left_bar_bleue25/25مجمـوعـة من النكــت الليبية Empty_bar_bleue  (25/25)

مجمـوعـة من النكــت الليبية Empty
مُساهمةموضوع: مجمـوعـة من النكــت الليبية   مجمـوعـة من النكــت الليبية Expire10الخميس أغسطس 23, 2007 7:24 pm

مجمـوعـة من النكــت الليبية

--------------------------------------------------------------------------------

واحد سكران طينة امعكس في الشارع في الليل لقي سوادني شاد شكاير كناسة قاله ربي ايصون.


--------------------------------------------------------------------------------

سكران خاطم من قدام عزاء .. حالة وفاء يعني قال الي اهل الميت راهو ما فيش امل يرجـــع.


--------------------------------------------------------------------------------

في شيباني ليبي امشي لبرنامج من سيربح المليــون امش سأله جورج قرداحي قاله من جاي معاك ,,, الشيباني قاله أمـــي ,, امشي جورج قرداحي قاله عنــجد أمـــك "يعني بجديات".. قاله الشيباني عنجـــد بـــــوك.



--------------------------------------------------------------------------------

واحد ماشي في الطريق و عنده بيحــو القي واحد عنده مكسمة امشي قاله شنو رايك انديرو افاري ,,قاله صاحب المكسمة تي شنو تحسابني خروف انبدل مكسمة بي بيجــو ,,قاله صاحب البيجــو هادي فيها سر امشي اضرب على الكوفني اطلع مارد قاله برا جيب شاهي و كاكوية... امشي صاحب المسكمة افرح ,, بدلو لي بعضهم,, روح صاحب المكسمة بالبيجـو قالوله اهله يا مهبول اتبدل مكسمة بالبيــجو ,,,قاللهم هادي فيها سر اضرب على الكيفنو جاه المارد قاله جيبلي 2 ليبو و1 مكسمة ,,قاله المارد أسف اختصاصي شاهي و كاوكية بس.


--------------------------------------------------------------------------------

في ثلاث طلبة عندهم امتحانات ,, و هما سينسة مش قارين شي قالو انخشو على البركة و خلاص و اي واحد يعرف حاجة ايقول للثاني المهم جاهم سؤال : كــم عدد ارجل النعجة ,, ما عرفوش ,, اثنين سلمو وراقيهم و واحد اقعد ,, بعد ما تم الوقت ,, قالوله علاش ما قلتناش كم عدد ارجل النعجــــــة,,, قاللهم و الله ما فيها كيف المراقب كان جنبي ما اقدرتــــش انطلع النعـــــجة


--------------------------------------------------------------------------------

قالك في واحد القي بــراد شاهي.. حكــــه اطلعله مارد قاله اطلب شنو تبي ..قاله نبي تبنيلي كوبري من الرجبان لي امريكا ,,, قاله لالا يا راجل اطلب حاجة ساهلة شوية ,, تي شنو كوبري من الرجبان لي امريكا,,, قاله باهي نبي ليـــبيــا تربـــــح البرازيــــل,,,, قاله المارد ما قوتليش تبي الكوبري ــــ يرفع و يجيب ولا يرفع بس.


--------------------------------------------------------------------------------

في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف يا راس و الله اعرفت الحمار و انت ما اعرفتكش.... قاله عادي ,, الحميـــــر تعرف بعضها


هاع هاع هاع هاعه
--------------------------------------------------------------------------------

في واحد صاحبنا امشي لي طرابلس القي خلاط امتع عصير قامه و اقعد يفحص فيه ما يعرفاش شنو هوا قال و الله لما نشري واحد و اروح بيه... المهم روح بيه للبلاد ,, جابه للجماعة حطوه في النص ,, و دارو عليه دورة ,, و يفكرو فيه شنو هوا,, بعد سعتين و الا ثلاث ناض اذكى واحد فيهم على اساس ,, قاللهم و ربي الكعبة ما يطلع الا غسالة شخاشير


--------------------------------------------------------------------------------

في اعمى خاطم في الشارع.. امشي شدت عليه سيارة فرينو اقريب ضرباته ,, اقعد يعيط ايه تي شوطه شوطه اقتل عمه


--------------------------------------------------------------------------------

قالك راعي عنده سعي ,, ما عمـره ما اركع ركعة في حياته,,يوم قال لازم انصلي ,, المهم جي بأصلي الركعة الاولى ,,ماتتله عنز ,, صلى الركعة الثانية
ماتت عنز ثانية ,, ما تم صلاته لين مات السعي كله معاش قعدله كان عنزة وحدة ,, المهم امقعمز في الليل راقد ,, جت العنز اتصيح بحداه , ناضله قاللها, تي بترقدي و الا انشوطك بركعة


--------------------------------------------------------------------------------

قالك سواق تاكسي امركب زوز سكارى ,,ماشي في الطريق اضرب راجل بالسيارة ,, قال لي واحد من السكارى ,, تراه انزل شوفه مات و الا لا ,, انزل السكران ,, قال للسواق تراه قدم شوية ,, تراه توا وخــر ,, خلاص,, تواهكي مات

--------------------------------------------------------------------------------

قالك واحد خـواف قالت له حبيبته نتمنى انمـوت بين احضانك ,,, قاللها مـوتي عند اماليك و فكينا من المشاكل


--------------------------------------------------------------------------------

قالك واحد روح جيعان ,, كيف بيتغدا القي الغداء مالح اتكنطى ,, خش الدار لحقاته مرته قتله خلاص ماتزعلش توا انديرلك مساج ,,قاللها عليا الطلاق اديريه ماني واكله

--------------------------------------------------------------------------------

قالك واحد اخنب سيارة وماشي يبي يبيعها,, خنبوها منه , روح لي خوته قالو له بقداش بعتها قاللهم و الله براس مالها

--------------------------------------------------------------------------------

قالك واحد شاف صاحبه يجري ,قاله خيرك شن فيه قاله صاحبه مراتي صارلها تسمم واكلة خمسة كيلو حوت,,قاله و انت ماشي بأتجيبلها الدكتور ,,قاله لالا بنمشي انجبلها خمسة كيلوا ثانيات

--------------------------------------------------------------------------------

واحد خش الدكان قاله عندك سكر , قاله صاحب الدكان ايه عندي ,, قاله باهي ربي يشفيك

--------------------------------------------------------------------------------

واحد صاحبنا قالو له شن رايك في الاتيكيت ,,قاللهم باهي ,,لكن المايولكا احسن
الرجوع الى أعلى الصفحة اذهب الى الأسفل
http://as7ab.maktoob.com/algen
سيد الاحلام
المدير العام
سيد الاحلام


ذكر
عدد الرسائل : 363
العمر : 34
البلد : بنغازي
العمل : طالب
مزاجك : very cood
تاريخ التسجيل : 23/08/2007

بطاقة الشخصية
نقاط التميز: 30
وسام التميز:
مجمـوعـة من النكــت الليبية Left_bar_bleue25/25مجمـوعـة من النكــت الليبية Empty_bar_bleue  (25/25)

مجمـوعـة من النكــت الليبية Empty
مُساهمةموضوع: رد: مجمـوعـة من النكــت الليبية   مجمـوعـة من النكــت الليبية Expire10الخميس أغسطس 23, 2007 7:25 pm

وانشاء الله عجبكم
الرجوع الى أعلى الصفحة اذهب الى الأسفل
http://as7ab.maktoob.com/algen
dr_algen
المراقب العام
dr_algen


ذكر
عدد الرسائل : 145
العمر : 34
البلد : ليبيا
العمل : طالب
مزاجك : مية مية
تاريخ التسجيل : 15/09/2007

بطاقة الشخصية
نقاط التميز: 30
وسام التميز:
مجمـوعـة من النكــت الليبية Left_bar_bleue25/25مجمـوعـة من النكــت الليبية Empty_bar_bleue  (25/25)

مجمـوعـة من النكــت الليبية Empty
مُساهمةموضوع: رد: مجمـوعـة من النكــت الليبية   مجمـوعـة من النكــت الليبية Expire10السبت سبتمبر 22, 2007 6:15 pm

والله نكت حلو
ههههههههههههههههههههههههههههههههههههه
الرجوع الى أعلى الصفحة اذهب الى الأسفل
http://LIBYANBEN.TOPGOO.NET
 
مجمـوعـة من النكــت الليبية
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى شباب وبنات ليبيانا :: 
قســـم التــرفيـــة والتسلية
 :: منتدى التسالي والغريب والعجيب
-
انتقل الى: